Nagtutubod an Department of the Interior and Local Government (DILG) na mayong peligro sa kasalbaduhan kan government contractor na si Sarah Discaya sa tahaw kan nagpapadagos na imbestigasyon katakod sa maanomalyang flood control projects.
Naenot na kayang nagpahayag nin pagkahadit para sa saiyang kasalbaduhan si Sarah Discaya sa sarong entrevista sa saiya kun kaya nagdesisyon ining magpasairarom sa kustodiya kan National Bureau of Investigation (NBI) asin pinahimutikan na nagsuko ini.
Ipinaliwanag man kan saiyang abogado na sarong strategic legal move an nagin lakdang kan saiyang kliyente asin pag-amin kan anuman na kasalan.
Sigun mi Secretary Remulla, nakaulay kaini si Department of Justice Acting Secretary Frederrick Vida na igwang koneksiyon sa kaso si Discaya asin dae soboot sinda nagtutubod na igwang peligro para ki Disacaya.
Alagad, dakulang bagay soboot an pagsuko ni Diacaya asin pwedeng ikonsiderar kan korte an saiyang kaso alagad an ley soboot an masusunod.
Sa presente, nahahampang si Discaya kaibahan an 9 na iba pa sa mga kasong malversatiom of public funds asin soboot pagbalgar sa Anti-Graft and Corrupt Practices Act na itwang koneksiyon sa P96.5-mill89n ghost flood cotntrol project sa Barangay Culaman sa banwaan kan Jose Abad Santos sa Davao Occidental.
