Nagdistribwer nin mga food-packs sa mga naapektaran nin bagyong enteng an ahensya kan DILG sa cuidad nin Naga.
Sa naging patara-tara ni DILG Secretary Benhur Abalos Jr., sinaysay kaini na sa saindang pagbisita an mawot na maitao kan national government an tabang orog na sa labi naapektaran kan Bagyong Enteng base sa mandato ni PBBM.
Sa tolong Baragay kan cuidad nin Naga na labi na naapektaran huli sa darang pagabaha kan raot nin panahon nakaresiber an mga benepisyaryo nin 6 kilos na bagas asin 10 mga delata, katuwang man ahensya kan DSWD sa pamayo ni Secretary Rex Gathchalian.
Paliwanag ni Benhur an mga benepisyaro asin lugar na pinaabutan nin mga tabang an pinili sa estado kan saindang pangangaipuhan kun sain an mga Barangay sa cuidad nin Naga nag-abot hasta daghan an lebel kan tubig.
Pagirumdum kaini sa mga residentes na kun enkaso na nahihihling na delikado na an lugar kun sain sinda nagtitinir an mag-ebakwar.
Ikinaogma man kan opisyal an nagin paghiro kan mga otoridad asin mga opisyales kan cuidad nin naga sa pag-iskusar sa mga residentes na naapektaran, sa ngunyan mawot ni Abalos na ipadagos asin magin preparado pirmi orog na sa mga pwede pa na mag abot na mga kalamidad.
