Dae napugolan pa kan aktor na si Dingdong Dantes an saiyang namamatean dapit sa nagtitinding isyu kan korapsiyon sa gobyerno.
Sa sarong Facebook post kan nakalihis na Setyembre 13, ipigheras kan aktor an saiyang pagkabagabag komo magurang sa futuro kan saiyang mga aki sa tahaw kan kariribokan, korapsiyon, asin kawarang katarungan.
Sa saiyang post, tinukoy ni Dingdong an mga nangyayaring kadahasan, kariribokan asin pagbagsak kan mga gobyerno sa manlaen-laen na parte kan kinaban asin pigkumparar ini sa pigkakahampang na kontrobersiya sa Pilipinas na soboot saro sa pinakamalalang isyu sa presente.
Mantang nagdadalan nin congressional hearing kaibahan an saiyang agom na si Marian Rivera, napaisip soboot sinda kun anong klase kan lipunan an iwawalat ninda sa saindang mga aki: sarong marangal, tapat, o sarong pano nin kautikan asin kasakiman.
Siring man, nagtitinir ining igwang paglaom, asin nagtutubod na igwang nagkapira pa man na mararahay na lideres asin mamamayan na toninong na pigpipiling maggibo nin tama maski sa tahaw kan kariribokan.
