Pigkonsederar kan presenteng direktor kan National Bureau of Investigation na sarong ‘harassment’ an panibagong reklamong kinakahampang ni Department of Justice Sec. Jesus Crispin Remulla sa Office of the Ombudsman.
Sigun ki Ret. Judge Jaime B. Santiago, direktor kan ahensiya, nahihiling kaini an pagpurbar na pagpugol asin panggigipit sa pigsunad na reklamo ni Atty. Ferdinand Topacio sa Ombudsman.
Mientrastanto, kasuarin sana pigsunad kan nasambitan na abogado an reklamong arbitrary detention kontra ki NBI Dir. Santiago asin Justice Sec. Remulla sa Ombudsman.
Mantang pigtawan duon man ni Ret. Judge Santiago na an obheto kan reklamo iyo an dae magkaigwang clearance si Justice Sec. Remulla sa Ombudsman.
Marurumduman, saro sa mga ‘requirements’ kan Judicial and Bar Council tanganing makabali sa mga nominado o shortlist sa posisyong pagka-Ombudsman an pagkakaigwa nin clearance.
An presenteng sekretaryo kan ahensiya iyo an aplikante digde kaya nagtutubod soboot si NBI Chief Santiago na panggugulo sana an mga reklamong pigsunad.
