NAGA CITY- Nakikipag-collaborate an Regional Disaster Risk Reduction and Management Council (RDRRMC) sa mga ahensiya kan gobierno tanganing masimbagan an pangangaipuhan kan mga komunidad na apektado kan Super Typhoon Uwan na nanlamasa sa Rehiyong Bicol.
Sigun ki RDRRMC Chairperson asin Office of Civil Defense (OCD) Regional Director Claudio Yucot, pinapahigot soboot kan saindang opisina an saindang ginigibong mga lakdang tanganing ma-mobilize an mga resources asin masuportaran an mga an mga residente na labing nadanyaran.
Marurumduman, an probinsiya kan Catanduanes an labing naapektaran kun saen kadakol na mga kaharongan an naraot.Katakod kaini, nakapagtao naman an OCD nin galvanized iron sheetspara sa mga pamilya na nawaran nin istaran.
Apwera digde, kaipuhan man soboot kan lugar an potable water orog na ta an pagpapakarhay kan mga water distribution systems an maabot nin nasa kinseng aldaw o 30 aldaw, siringman an pangangaipuhan na maibalik an kuryente sa lugar.
Mientrastanto, susog sa inisyal na assessments, naapektaran kan Bagyong Uwan an nasa 2,573 barangays sa bilog na Rehiyon na kun saen nagdara man nin distroso sa nasa 375,043 o nasa poco mas o menos 1.3 million na indibidwal.
Sa ngunyan, padagos an paglalapigot kan nasambitan ng opisina tanganing masimbagan an gabos na pangangaipuhan kan mga tawo.
