NAGA CITY- Nagpuon na an mga miyembro kan Regional Disaster Risk Reduction and Management Council sa Bicol sa saindang pag-update sa disaster response plan kan Rehiyon.
Sigun ki Claudio Yucot, regional director kan Office of Civil Defense Bicol asin chairperson kan RDRRMC-5, an nasambitan ng apat na aldaw na workshop obhetong mag-kriar nin accurate asin napapanahon na disaster response plan na nasisimbagan an pangangaipuhan asin sitwasyon kan mga lokal na gobierno sa panahon kan bagyo, linog, tsunami asin terrorism-related incidents.
Dugang pa kan opisyal, an Rehiyong Bikol pig-utro an Disaster Response Plan susog sa National Disaster Response Plan 2025.
Katakod digde, an mga partisipanted an mga miyembro kan Bicol Region Response Cluster na iyong responsable sa pagmanehar kan disaster responses sa panahon kan kalamidad.
Pigsaysay pa ni Yucot na dapat an pigkukundusir na mga National drills an susog sa kasuguan kan Department of National Defense komo parte kan preparasyon para sa potensyal na pagtama kan kalamidad sa Rehiyong Bicol.
Sa ngunyan, an kakaluwasan kan nasambitan ng workshop an iheheras sa provincial, municipal asin sa mga lokal na gobierno sa bilog na Bicol Region.
