Posibleng “Bagman” o “Legman” kan mga darakulang kontratista an mga District Engineers kan Department of Public Works and Highways (DPWH).
Ini an pigtawang duon ni Senador Ping Lacson makalihis mabuyagyag an pagporbar na panunuhol ki Batangas 1st District Representative Leandro Leviste katakod kan maanomalyaang infrastructure project sa probinsya.
Hurot kan senador, dae normal na mismong district engineer an mag-opesir nin suhol imbes, kadaklan na nagpuouon ini sa kontratista. Kaya importante, na magkaigwa nin hararumang imbestigasyon tangani matukoy kun ano an nasa likod kan pagporbar na panunuhol ki Leviste.
Pighurot man ni Lacson na kaipuhan nin “surgical solution” sa sistematikong katiwalian sa Department of Public Works and Highways, bako sana sa simpleng pagpaparibay o pag-reassign kan mga opisyal.
Dugang pa ni Lacson, dapat magkaigwa nin masusing imbestigasyon an Philippine National Police Criminal Investigation and Detection Group o dawa na an National Bureau of Investigation, asin man dapat mag untok sa pagsusunad nin kaso kontra ki Batangas 1st District Engineer Abelardo Calalo.
Sa ibong na lado naogma man an senador sa ipinahiling ni Leviste na pagsayuma sa alok na suhol gikan sa tiwaling district engineer kan Department of Public Works and Highways.
Inabisuhan na soboot kan senador an ina kan kongresista, si Senadora Loren Legarda, na siertuhon an seguridad kan opisyal huli ta dae pwedeng balewalaon an pagigin maraot asin bilyon-bilyong pondong pinag-uulayan.
Naglalaom pa an senador na magkakaigwa ini nin pagkakataon pa na personal na bation si Leviste asin man pasalamatan sa saiyang pagtindog laban sa kultura kan kickback na nagkakakan sa kadakol pang kajovenan na lingkod-bayan sa Kongreso.