Aram baya nindo mga ka-bombo, sarong diver gikan sa Blue Diver Search and Recovery an narekober an nahulog na diamond ring sa Possum Kingdom Lake sa Texas.
Susog sa report, sarong professional diver an nagsisid sa nasambitan ng danaw o lawa asin matrayumpo na narekober an nawawarang diamond na singsing gikan sa sarong babae na nagpasiring sa lugar.
Binisto an babae na si JackO’Lynn Page asin basado sa istorya kaini, mantang ini asin an baseball team kan saiyang aki nagbisita sa Sandy Beach area kan Possum Kingdom kan marealisar na nawawara na an saiyang diamond wedding ring na kan taong 1910 yaon na sa saindang pamilya.
Pinagtutubudan na an singsing an nahulog soboot sa nasambitan ng lawa.
Naghanap naman an baseball team sa area kaibahan an saindang magurang siringman an saindang Lolo asin Lola alagad dae nakua an nawawarang diamong ring.
Digde na naghagad nin tabang si page ki Ryan Prigmore kan Blue Diver Search and Recovery.
Sigun ki Prigmore huli sa makusog na duros dipisil soboot para sa sainda an paghahanap.
Sa huri, matrayumpo man na narekober an singsing kun kaya labi an pasasalamat ni Page sa nasambitan ng diver.
