Divorce Bill dapat na mas mahigot na pag-adalan sa Kongreso – VP Robredo

NAGA CITY- Hurot ngonyan ni Vice President Leni Robredo na mas mahigot na pag-adalan asin pagdebatehan an pigtutulod na Divorce Bill sa Kongreso.

Susog sa Bicolanang bise presidente, bakong suba an pagtukar sa orolay nin divorce sa Pilipinas urog pa ta igwa nin probisyon sa Konstitusyon na nagsasabing kinakaipuhan na protehiran an pagigin sagrado kan kasal.

Ini suboot an rason kun dae dapat na hidalion an pagpasar kan nasambitang propwestong ley.

Pighahandalan man ni Robredo an mga posibleng maging epekto kan divorce enkaso ini dagos nang maipasar komo ley sa pundasyon kan pamilyang Pilipino.

Sigon sa saiya, kinakaipuhan na pag-adalan nin marhay an propwesto antes ining maipasar.