Nagluwas nin makasuhay na Show-Cause Order si Department of Public Works and Highways Secretary Vince Dizon tanganing ipaliwanag an Regional Director ng DPWH Regional Office XI asin an District Engineer kan Davao Occidental District Engineering Office.
Katakod kan P96.5-milyong Culaman Bridge Flood Control Project sa Jose Abad Santos, Davao Occidental—proyektong nabayadan kan 2022 na hasta ngunyan dae pa man natatapos an nasambitan na proyekto.
Pigbuyagyag ni Dizon an mga show-cause order para kay DPWH-Davao Regional Director Juby Cordon asin Davao Occidental District Engineer Rodrigo Larete makalihis an inspeksyon sa flood control projects.
Sa saindang inspeksyon kan Huwebes, napagaramanan ninda Dizon asin dating Independent Commission for Infrastructure (ICI) special adviser Baguio City Mayor Benjamin Magalong na an proyekto nagpuon an pagtindog tulong semana pasana an nakalihis, sa ibong kan pagkadeklara kaining tapos na asin ganap nang nabayadan kan 2022.
An proyekto itinao sa St. Timothy Construction Company, napagsadiri kan mag-agom kontratista na sinda Sarah asin Curlee Discaya, na sa presente parehong pigiimbestigaran huli sa pagkakasangkot soboot sa korapsyon sa mga flood control projects.
Pigsugo ni Dizon si Cordon na magsumiter nin written explanation under oath sa laog kan limang aldaw kun tano dae siya dapat panaguton sa administratibong pananagutan huli sa posibleng pagbalga sa umiiral na mga ley, regulasyon, asin kasuguan.
Pigsugo man si Larete na magsumite kan written explanation under oath sa laog kan limang aldaw kun tano dae dapat isunad an kontra sa saiya an anuman kasong administratibo.
Sinabi ni Dizon sa parehong show-cause orders na ang kabiguan nina Cordon asin Larete na tumugon sa pigtalaan na panahon na pigtuturing na pagsuko sa saindang karapatang magpaliwanag, asin an akuon an pagtugot sa urulay manungod sa mga nagiiral na rekord asin ebidensya.
Nag-atendir man si Larete, komo district engineer kan probinsya, sa inspeksyon ninda Dizon asin Magalong sa nasambitan na P96.5 milyong flood control project.
