Desidio an Department of Migrant Workers (DMW) na aramon an mga tawong nasa likod kan illegal recruitment kan nga Pilipino na pigpromesahan kan disenteng trabaho sa ibang nasyon, alagad sa mala-POGO hub sa Myanmar, Laos asin Cambodia.
Sinaysay ni DMW Undersecretary for licensing and adjudication services Bernard Olalia, na-set up na an sarong sistema tanganing labanan an trafficking kan mga Pilipino.
Kaibahan soboot sa sistema an pagbubugtak nin sarong labor attachè sa Thailand asin pakikipagtabangan sa Department of Foreign Affairs asin International Agency Council Against Trafficking.
Enot digde, 12 biktima kan trafficking gikan sa Myanmar an nag-abot sa nasyon sa paagi kan repatriation program kan gobyerno.
Sinaysay ni DMW Secretary Hans Cacdac na saro sa 12 an inarestar makalihis maaraman na an saro an sarong illegal na recruiter na nagpanggap komo sarong distressed overseas Filipino Worker (OFW).
Pagiromdom pa kan sekretaryo sa sa publiko na kun online an recruitment scheme asin an transaksiyon, ini man an badge of illegal recruitment.
Huli man ta kun ini soboot lehitimong recruitment agency, igwa ining mga opisina.
