Hayagang binatikos ni Department of National Defense (DND) Secretary Gilberto Teodoro Jr. an Chinese Communist Party huli sa dagos-dagos na pambabastos sa mga sararadit na nasyon.

Ginibo ni Teodoro an pahayag, kasabay kan saiyang pagbisita sa Wallace Air Station sa San Fernando City, La Union.

Sigun ki Teodoro, hayagang pigbabalewala kan China an mga international law kasabay kan dagos-dagos na paghaharas sa mga sararadit na nasyon siring kan Pilipinas.

An saindang ‘expansionism’ o pirit na pagpapadakula sa saindang teritoryo soboot, kaibahan na an pagbalewala sa kasalbaduhan kan mga barko sa West Philippine Sea, an bukas sa bilog na kinaban asin nahihiling kan lambang nasyon na sakop kan Asia-Pacific Region.

Enot nang binatikos kan DND secretary an kasuarin sanang mapeligrong pagmamaniobra kan Chinese air asset sa Bajo de Masinloc kontra sa Bureau of Fisheries and Aquatic Resources authorities.

Sigun ki Teodoro, kaipuhan pakusugon pa kan Pilipinas an pakikipag-alyansa kaini sa iba pang mga nasyon tanganing mapugolan an dagos-dagos na panghaharas kan Chinese Communist Party.