Liwat na pigtawan duon ni dating health secretary asin ngunyan House Deputy Majority Leader Janette Garin na an bakuna an sarong kasimbagan asin man best solution sa pagsimbag sa naglalangkaw na kaso kan dengue cases sa nasyon.
Binanggit kan doktorang lehislador an nasyon na Brazil asin Mexico na igwang single digit na death huli sa dengue kun saen an mga nakaresiber kan bakuna ay dae na naka experience nin severe dengue.
Pigtawan duon pa ni Garin na enkaso man may bakuna, dae na kakaipuhanon na darahon pa sa ospital enkaso man mild an dengue.
Soboot, sayang an oportunidad sa Pilipinas nin huli ta nag dangog sinda sa mga pekeng bareta.
Binanggit kanKongresista an nagin epekto kan misinformation katakod sa Dengvaxia vaccine kun saen nagtubod ini na iyong nagin sagabal sa paglaban kan dengue disease sa nasyon.
Sa ibong na lado, pig inkaminar ni Garin an Department of Health (DOH) tangani magkaigwa na nin totoong solusyon tangani labanan an dengue sa nasyon.
Soboot, sa ngunyan, dae na bastante an mga pangapudan na basic prevention siring na sana kan paglilinig asin fogging o pag-uusok.
Hurot kan Doctor solon, panahon na tangani pangenutan kan DOH asin man magin parte na sa solusyon.
