Naglalaom si Finance Secretary Ralph Recto na an 0.9% inflation rate kan nakalihis na Hulyo, an pinakahababa sa laog kan anom na taon an makakatao nin dakulang ginhawa sa nagtitios na pamilyang Pilipino.
Ini an huli sa padagos na pagbaba kan presyo kan pagkakan, orog na kan bagas sa nasyon.
An average inflation puon bulan nin Enero hasta Hulyo an 1.7% na mas hababa sa target kan gobyerno na 2.0% hasta 4.0%, na nagpapatunay kan katatagan kan presyo kan mga barakalon.
Sigun ki Recto, importanteng mamatean kan lambang Pilipino an pagbaba kan presyo kan bagas, pagkakan, kuryente, asin iba pang pangangaipuhan.
Paliwanag pa kan sekretaryo na dakula an nagin ambag ni Presidente Ferdinand Marcos Jr. sa paagi kan saiyang mga programa siring kan “Benteng Bigas” asin Kadiwa ng Pangulo.
Nakatabang man soboot an ipinautob na hababang taripa.
Sa ibong kaini, nagtitinir na alerto an gobyerno sa mga posibleng huma sa presyo siring kan kalamidad asin pangkinaban na tensiyon maski pa piglalaoman an pagmamantinir sa hababa na inflation arate sa nasyon.
