Pigreport ngunyan kan Department of Health (DOH) an padagos na paglangkaw kan numero kan mga measles-rubella cases sa nasyon.
Puon Enero hasta Marso 1, ngunyan na taon an igwang 922 na kaso na an saindang naikurit. Ini an 35 percent halangkaw kumparara sa parehas na bulan kan nakalihis na taon na igwa sanang 683 na kaso.
Pigkokonsiderar kan DOH na ini an nakakahadit na sa pirang rehiyon siring sa National Capital Region,Cordillera Adminstrative Region, Ilocos, Bicol, Western Visayas asin SOCCSKSARGEN.
Kadaklan sa mga nadapuan iyo an mga aki na dae nabakunahan o dae kumpleto an saindang measles vaccination.
Advertisement
Huli digde, pig-abisuhan kan DOH an mga magurang na makipag-koordinar sinda sa mga health centers sa saindang mga lugar.
Advertisement
