Kinumpirmar kan Department of Health (DOH) na nagbaba sa sampulo an nairehistrong kaso nin leptospirosis kada aldaw.
Ini an magpuon kan Agusto 10 hasta Agusto 14, kun ikukumparar sa haros 200 na kaso kada aldaw kan nakalihis man na August 3 hasta August 9, 2025.
Sa kabilogan, igwa nin 3,752 na kaso nin leptospirosis magpuon June 8 hasta man August 14 o sarong semana makalihis ideklarar an tag-uran.
Pigsierto man kan DOH na naka-alerto an mga DOH hospital asin padagos na activated an 49 na leptospirosis fast lanes sa bilog na nasyon
Liwat man na nagpagirumdom an DOH sa publiko na tulos na magpakonsulta sa mga nasanbitan ng fast lane o sa health center o ospital kun nalubog sa baha o na-expose sa putik ngunyan na tag-uran tangani ma-assess an risk level para asin matawan nin tamang lunas.
Nagkapira sa mga sintomas kan leptospirosis an sinat, kulog nin payo, panginginig, pangungulog nin likod o binti, asin man pamumula kan mga mata.
