Nakatalaan na magpadara an Department of Health (DOH) nin healthcare workers sa Jamaica.
Ini an kasunod kan pagpirma kan DOH asin Ministry of Health kan Jamaica sa sarong memorandum of understanding (MOU) na magtutugot sa pagpapadara nin mga Pilipinong healthcare workers sa Jamaica para sa capacity building. Dae man pigsabi kan DOH kun gurano kadakol an healthcare workers na ipapadara sa Jamaica.
Pigpirmahan an nasambitan ng kasunduan ninda Philippine Health Secretary Teodoro Herbosa asin Jamaican Health Minister Christopher Tufton sa Kingston, Jamaica. Sa irarom kan kasunduan, magkakaigwa nin ribayan nin mga kaarama an duwang nasyon sa mga ladangan siring kan biotechnology asin epidemiology asin pagsimbag sa health workforce sustainability.
Mientrastanto, committed man si Sec. Herbosa sa tulos na pagpapadara nin mga Pilipinong healthcare workers sa Jamaica na igwa nin obhetong patibayon pa an saindang kapasidad sa paagi kan exposure sa healthcare system kan Jamaica mantang pigtatabangan an health workforce shortage sa nasyon.
