Pigbuyagyag ni Health Secretary Teodoro “Ted” Herbosa na P100 million na sana an natatadang quick response fund (QRF) kan Department of Health makalihis an magkakasunod na kalamidad.
Sigun sa sekretaryo, naghagad na sinda nin dugang pondo sa Department of Budget and Management (DBM), siring kan ginibo soboot kan Department of Social Welfare and Development (DSWD) asin Office of Civil Defense (OCD).
An quick respond fund an nasa haros bilyones, alagad ngunyan an nasa hundred million na sana makalihis an gabos na kalamidad huli ta five hundred per year, nagkaigwa nin savings gikan sa previous year kaya kan nagpuon ngunyan na taon, nag abot na sana nin milyones orog na sa dakol kan ni-respondihan kan saindang lado, one hundred million na sana talaga an natatada, pinorbaran na man na maghagad nin supplemental quick respond fund sa lado kan DBM, pahayag ni Herbosa sa pigkundusir na DOH report hospital preparedness for the big one.
Ipinaliwanag man ni Herbosa na may limitasyon an paggamit nin QRF basado sa panundunan kan Commission on Audit (COA), kun saen dae ini pwedeng hiruon kun mayong deklarasyon kan state of calamity.
Siringpaman, binanggit kan sekretaryo na pwede nang gamiton an pondo dawa na mayo pang kalamidad sa irarom kan Republic Act No. 12287 o an “State of Imminent Disaster” na pwedeng ibase sa datos gikan man sa Philippine Atmospheric, Geophysical and Astronomical Services Administration, PHIVOLCS, asin National Disaster Risk Reduction and Management Council.
