Nagkundisir an DOH nin Medical Mission sa banwaan nin Bato, Camarines Sur.
Sa nagin paghampang kan mga kagawad kan Media ni Mayor Jun Jun Zorilla, LGU Bato Camarines Sur, pigsaysay kaini na labi soboot an nagin danyos kan nakalihis na bagyong Kristine sa saindang barangay alagad padiit diit naman na nagbabangon asin naglalaom na sa panahon nin kapaskuhan makabalik na nin normal an buhay kan mga kahimnwa sa nasambitan ng banwaan.
Apwera sa Medical Mission, nagpaabot man nin relief goods gikan sa Pampanga asin Caloocan sa paagi kan Department of Health.
Dakulang pasasalamat sinda sa nasambitan ng ahensya sa pag tao nin tabang huli sa back to zero an saindang banwaan orog pa an sainda man na Health Center na inabot kan tubig baha na dae napakinabangan an gabos na supplies, kagamitan, mga nagin rekord asin mga service vehicles siring kan trucks asin ambulance.
Dugang pa man kan alkalde, ini sana an enot na bes na nangyari an siring na malalang danyos na pigwalat kan kalamidad sa saindang banwaan kaya man dae tulos sinda nakapreparar nin marahay huli sa kampante sinda na pig-aabot sana hanggang tuhod an baha siring kan dati.
Mientratanto, nakarehistro man soboot nin mga tulong casualties huli sa bagyong Kristine.
Basado man sa nagin rekord kan kasagsagan kan nasambitan ng bagyo, igwa nin kabilugan na haros 1000 na pamilyang evacuees asin igwa pang nagtitinir sa evacuation center na nasa 500 huli sa lubog pa nin baha asin an iba tottaly damaged na an mga harong.
Sa nguyan, nangapudan pa man an alkalde na magkakanigong bako sanang food supplies na pwedeng ipaabot na tabang kundi mas marahay kun mga construction materials siring kan mga plywood, yero cocolumbers para sa restoration kan mga nadanyaran na harong.
