Nairehistro kan Department of Health (DOH) an bahagyang paglangkaw sa numero nin mga kaso kan dengue sa nasyon para sa bulan nin Hunyo.
Pigreport kan DOH na nagpakol sa 10,733 an nairehistrong kaso kan dengue magpuon Hunyo 15 hasta 28.
Mas halangkaw ini kumparar sa 8,233 kaso na nairehsitro sa primerong duwang semana kan parehong bulan.
Nagpepreparar na man an ahensya sa posibleng padagos na paglangkaw nin kaso kan dengue dara kan dagos-dagos na pag-uran asin pagbaha kan nakalihis na semana.
Advertisement
Kasabay kaini, nangapudan an ahensya sa publiko na sunudon an saindang “4Ts” campaign, iyo an Taob, Taktak, Tuyo, Takip tangani malikayan an pamumugad nin mga lamok sa laog asin palibot kan harong.
Advertisement
