Namantinir na nasa Code White Alert status an Department of Health (DOH) hasta ngunyan na, Nobyembre 2.
Sa nasambitan ng alerto, an gabos kan DOH hospitals, central asin regional offices kaini preparado magin an saindang health workers katakod kan sarong mahewasang aktibidad siring kan Undas.
Duwang fully-equipped emergency ambulances o level 3 ambulances man an naka-standby sa Manila North asin Manila South Cemetery enkaso igwang mga pasyente sa sementeryo na kaipuhan idalagan sa emergency rooms.
Padagos man an pagirumdom ni Sec. Ted Herbosa na ugalion an pagtatahob kan ngimot kun maabo, paghuhugas nin kamot o paggamit nin alcohol, orog nang flu season pa ngunyan sa presente.
Magbalon man nin inumang tubig asin darahon an maintenance na bulong, orog na kun mahaloy sa sementeryo.
