Pig-enkaminar kan Department of Health (DOH) an mga mabiyahe na magtinir na kalmado tanganing malikayan an mga insidente kan road rage o iriwal sa tinampo para sa long weekend ngunyan na Undas.
Ginibo ni Health Secretary Ted Herbosa an nasambitan ng pagiromdom kasabay kan isinagibong inspeksiyon sa emergency tents sa may South Luzon Expressway (SLEX) komo parte kan pagpepreparar kan ahensiya para sa pagdagsa kan mga biyahero ngunyan na Undas.
Nagpagiromdom an sekretaryo na kun nagmamaneho, piglalaoman an trapiko huli sa pagdagsa kan mga mapuruli, kaya dapat soboot dae magmadali, makanuod na magtaong dalan asin pairalon an road courtesy.
Nagpatanid man an sekretaryo sa mga pasiway sa tinampo na sunudon an mga panundonan sa tinampo tanganing malikayang mapuli sa road rage.
Mientrastanto, sigun ki Sec. Herbosa, pwedeng ma-avail kan mga posibleng magsapo nin traffic injuries an zero-balance billing kan gobyerno.
