Pigtawan-duon kan Department of Health an pangangaipuhan na pakusugon an preventive care sa nasyon.
Sigun ki DOH Spokesperson Assistant Secretary Albert Domingo, an kapanoan kan mga ospital an nagpupuon sa kakulangan asin kakapusan kan primary care.
Pigpaliwanag ni Domingo na kun mayong bastanteng sadit na clinics asin ospital, dae maiibitaran na magdulok kan mga pasyente sa mga apex na ospital siring kan Philippine General Hospital, rason kun tano nagsusuroksokan.
Tanganing masimbagan an sobrang kapasidad kan PGH, binanggit ni Domingo na an DPH an nagtalaga nin 21 accredited na ospital sa Metro Manila na pwedeng mag-akomodar nin mga pasyente sa mga masunod na aldaw.
Pigtawan-duon pa kan opisyal na an pagpapahigot kan preventive care an nangangaipuhah nin “whole-of-government and society ” approach, na piggigibo ining shared responsibility sa tahaw kan gobyerno asin mga mamamayan kaini.
