Sisiertuhon kan Department of Health (DOH) na padagos na makakaresebir nin health services benefits gikan sa Philippine Health Insurance Corporation (PhilHealth) an mga miyembros kaini, ini sa ibong kan mayong mareresebir na pondo an ahensiya sa 2025.
Ini an makalihis sabihon kan halangkaw na kapulungan kan Kongreso na mayong mareresebir na pondo an ahensiya sa 2025 huli sa P600 billion na reserve funds kaini.
Kumpiyansa man an health bureau na trabaho kan PhilHealth na bayadan an gabos na health services kan mga miyembro kaini maski na mayong ining mareresebir na pondo sa General Appropriations Act.
Sigun ki DOH Secretary Teodoro Herbosa na saro sa board chairperson kan PhilHealth, an benefits kan gabos nin inpatient, outpatient, kaiba an special benefit packages na tangro kan PhilHealth an dapat matugunan kan ahensiya.
Sa report kan DOH an total benefit expenditures kan PhilHealth kan nakalihis na taong-2023 an nagpakol sa P74 billion, mantang sa taong-2024 an total expenditures kaini puon kan Enero hasta Setyembre an nagpakol sa P135 billion asin kumita soboot an ahensiya nin P463.7 billion kan nakalihis na taong-2023.
