Aminado an Department of Justice sa limistasyon o kakayahan kan mga awtoridad sa pagsasagibo kaini nin DNA testing sa mga narekober na lawas gikan sa Taal lake.
Sigun sa pigheras na mensahe kan presenteng tagapagtaram kan kagawaran na si Assistant Secretary Mico Clavano, saiyang inamin an mga hamon na kinakaatubang sa kapasidad kan pagsasagibo nin DNA-testing.
Ini man an kasunod kan ianunsyar kan Philippine National Police na bigo ining makahanap nin DNA profile sa mga tulang na narekober sa lawa kan taal.
Dakula man an posibilidad na contaminated na an mga tulang makalihis na mababad sa irarom kan lawa nin apat na taon rason tangani nadipisilan na makahanap an mga otoridad nin mga DNA samples gikan digde.
Bagaman mayong nahanap na DNA profiles sa mga tulang na gikan sa lawa, kinumpirmar man ni Fajardo na igwa nin tulong DNA profiles an nadiskubre sa mga tulang na nahanap sa sarong sementeryo sa Batangas.
Kaya man sinaysay ni Assistant Secretary Mico Clavano, na ini an rason kun tano sinda ngunyan an nakikipag-koordinar sa nasyong Japan.
Soboot naghagad an kagawaran sa gobyerno kan nasambitan ng nasyon tangani sinda an matabangan partikularmente sa pagsasagibo nin DNA testing sa nadukayang mga lawas.
Sa pangengenot kan Department of Justice, inihayag man ni Secretary Jesus Crispin Remulla na saiyang pinamamarikas na an pagresolbar sa pagkawara kan mga sabungero. Hurot kaini, pirang taon na ninda ining tinutukan mantang saiyang pig orgulyo na madali nang maisunad an complaint kontra sa mga imbwelto sa nasambitan ng isyu.
Huli man digde, nagtutubod si Secretary Jesus Crispin Remulla na maluwas an nagkapira pang mga ‘witnesses’ sa oras na maisunad na an complaint sa saindang nagpapadagos na case buildup.
Sa presente, padagos man an Pambansang Pulisya sa pakikipagtabangan sa Department of Justice (DOJ) para sa ikareresolbar kan kaso kan mga nawawarang sabungero.
