Pighayag kan presenteng sekretaryo kan Department of Justice na hagad ninda an sarong matoninong sa pagsasagibo kan hiro-protesta kan manlaen-laen na mga grupo ngunyan na aldaw.
Sigun sa presenteng sekretaryo na si Sec. Jesus Crispin ‘Boying’ Remulla, naglalaom ining magigin marhay an pagdaraos kaini.
Piglalaoman kaya ngunyan an pagpartisipar asin pakikisumaro kan mga indibidwal asin grupo sa saindang paghahayag kan saloobin kontra sa korapsiyon sa Luneta Park, Maynila, EDSA Shrine asin iba pa.
Kun saen aminado an sekretaryo na an isyu kan korapsiyon pag-abot sa ulayan kan flood control projects an nakakaalarma na soboot.
Kaya ipigheras pa ni Justice Secretary Remulla na saiyang kinaulay na an Philippine National Police pati an National Bureau of Investigation tanganing mamantinir an kaayusan ngunyan na aldaw.
Nakipag-koordinar na man ini tanganing masiertong magigin marhay asin mayong magporbar tangani sanang manggulo sa nasambitan ng mga pagtiripon.
Obheto man kaini na masierto an seguridad asin orog na an kasalbaduhan kan mga mapartisipar sa manlaen-laen na mga programang nakatalaang isagibo ngunyan na aldaw.
