Pirepaso na kan Department of Justice (DOJ) an ginibong imbestigasyon kan National Bureau of Investigation (NBI) sa mga huma na ginibo ni VP Sara Duterte kan huring parte kan 2024.
Magigirumduman na pigsaysay kan Bise Presidente na nakaulay kaini an sarong tawo na gadanon si Presidente Ferdinand “BBM” Marcos Jr., First Lady Liza Marcos, asin House Speaker Ferdinand Martin Romualdez enkaso ini soboot enot na ipagadan, ini sarong bagay na tulos na pig-imbestigaran kan NBI.
Segun ki Prosecutor General Richard Fadullon, kaipuhan pang analisaron an ginibong imbestigasyon kan nasambitan ng ahensya.
Digdi, sinda an madeterminar kun kaipuhan pa ining ibalik sa NBI asin kun kaipuhan pa an dugang na case build-up tanganing madagdagan an evidensya.
Kun bako man, pwede man ining ikonsiderar na ‘filed’ na.
Natapos na kan NBI an saindang report asin segun ki Director Jaime Santiago, an saindang ginibong report basado sa impormasyon na yaon sa sainda.
Enot nang inimbitaran kan NBI si VP Sara na hapoton dapit sa saiyang mga pananakot, alagad dae magibong mag-atendir kan Bise Presidente.
Segun ki Dir. Santiago, an gabos na evidensya asin testimonya na saindang natipon parte kan report na saindang nabilog.
Segun sa DOJ, kun madeterminaran kan saindang ebalwasyon o bagong pagrepaso na igwa nin pangangaipo para sa preliminary investigation, opisyal na nindang pupunan an pangenot na imbestigasyon.
