Mahagad an Department of Justice (DOJ) nin “Blue Notice” sa interpol tangani makakua nin impormasyon sa kinamumugtakan ni Ako Bicol Partylist Rep. Zaldy Co.
Sinaysay ni Communications Undersecretary Claire Castro na ini an gigibuhon kan DOJ makalihis na madawit an lehislador sa kontrobersya kan flood control anomalies asin sa budget insertions.
An Blue Notice alerts an hinahagad sa international police organization tangani matukoy an mga dugang na impormasyon sa kinamumugtakan asin pagkakabiatuhan kan sarong tao na nahahampang sa criminal investigation.
Marurumdumang primerong sinabi kam kampo ni Co na nasa US ini tangani magpabulong na kun saen tinawan man ni Speaker Bojie Dy an lehislador nin hasta sa aldaw nin Lunes na mag uli tangani simabagon an mga akusasyon sa saiya.
Mientrastanto, pigbuyagyag kan presenteng sekretaryo kan Department of Justice an lokasyong nasyon ni Ako Bicol Party-list Rep. Zaldy Co. Inihayag ni Remulla na presenteng nasa Europa an nasambitan ng kongresista.
Igwa nin mga impormasyon sindang nareresiber na makapagsasabing nasa parte ini kan Europa, pwedeng sa nasyong Spain o France.
Alagad dae naghaloy, pinanindugan kan sekretaryo na si Cong. Zaldy Co an ngunyan nasa France nagtitinir makalihis maghali nin Pilipinas para sa soboot medical concern.
