Pighurot kan Department of Justice na dae awtomatikong hahalion gikan sa iluluwas na resolusyon kan prosekusyon an mga ‘state witnesses’ sa reklamong igwang kinaaaman sa flood control.
Sa ipinadarang mensahe asin pahayag ni Justice Spokesperson Atty. Polo Martinez, ibabali pa man an mga ini sa resolusyon kan reklamo. Alagad maski ‘discharged komo state witnesses’, pagdidiskusyonan pa man soboot an alegasyon kan ‘conspiracy’ sa saindang partisipasyon sa kaso.
Mailalahad kaya soboot sa resolusyon kan prosekusyon an patungkol digde maski pa igwa o mayong ‘counter-affidavit’ asin ‘manipestasyon’ an respondents sa reklamo.
Saiyang tinukoy digde an patungkol sa reklamong ‘plunder’ na pigkakahampang ni former Sen. Bong Revilla Jr.
Kinuwestiyon kaya kan kampo kaini an dae pagsusumiter ninda former Department of Public Works and Highways Undersecretary Roberto Bernardo, Henry Alcantara asin Gerard Opulencia kan kontra-salaysay huli ta ‘discharged’ na sa kaso komo mga ‘state witness’.
