Pigtawan-duon kan Department of Justice (DOJ) na bakong ‘personality driven’ o maski direkta sa sarong partikular na grupo o indibidwal an pigsasagibo nindang imbestigasyon mapadapit sa kaso kan mga nawawarang sabungero.
Sa sarong entrevista, pighurot ni Justice Undersecretary Raul Vasquez na mayo sindang pigtutumbok na personalidad sa saindang pigkakasar asin nagpapadagos na imbestigasyon.
Kun ano man soboot an magin kaluwasan asin kahahantungan kan imbestigasyon an nangangahulugan sana na ini an pigtutukdo kan mga ebidensiya asin primerong igwang kinaaraman sa nasambitan ng kaso.
Dugang pa ni Vasquez, mayong personal na agenda sa imbestigasyon asin piggagampanan sana ninda an saindang trabaho.
Sa presente, pigkumpirmar ni Vasquez na an nagpapadagos an mga otoridad sa pagkalap nin mga ebidensiyang igwang kinaaraman sa kaso kan mga nawawarang sabungero.
Obheto kaini na mas pakusugon pa an saindang mga kaso na pwede nindang maisunad sa korte kontra sa mga personalidad na iyong maitutukdo na nasa likod kaini.
Mientrastanto, naenot na man na pinagsugo ni Presidente Ferdinand Marcos Jr. sa mga otoridad na magkasar nin hararom na imbestigasyon sa kaso tanganing masierto na mapapanimbat sa ley an nasa likod kan krimen.
