Pigtawan-linaw kan Department of Justice an nagin desisyon kan Court of Appeals sa nagin hatol ki Leila De Lima mapadapit sa kasong pigkakahampang kaini na igwang kinaaraman sa ilegal na droga.
Kun saen, pinahimutikan kan nasambitan ng opisina an pagbaliktad soboot sa nagin hatol na ‘acquittal’ o pag-absuelto ki dating Senador asin ngunyan na incoming Congresswoman Leila De Lima.
Nagtutubod kaya an Department of Justice (DOJ) na mayong mabago digde asin sinaysay pang posibleng magtinir an ‘acquittal’ decision kan hukuman pabor sa kampo ni Congresswoman-elect De Lima.
Ini mismo an pigheras ni Justice Assistant Secretary asin Spokesperson Mico Clavano katakod sa ginibong bagong lakdang kan Court of Appeals kasuarin sana.
Mientrastanto, pigtawan-duon man kan nasambitan ng tagapagtaram na bako si former Senator Leila De Lima an sa pigsunad na petisyon kan Court of Appeals.
An petition soboot for certiorari an tanganing ipaliwanag an Regional Trial Court Branch 204 kan Muntinlupa, kun tano inabsuelto an dating senador sa kaso kaining igwang kinaaraman sa ilegal na droga.
Nakasaysay kaya sa saindang dokumento o desisyon na nagkaigwa soboot nin grave abuse of discretion sa parte kan mababang hukuman kasunod kan pagkapot kaini sa nasambitan ng kaso.
Kaya man liwar na nilinaw ni Justice Assistant Secretary Mico Clavano na dae damat an mga merito sa kaso ni dating senador Leila De Lima kundi ini an labi na mapadapit sa nabanggitan na regional trial court.
Pigtawan-duon kaya kaini an Muntinlupa Regional Trial Court Branch 204 an pinag-uulayan digde na ipinagpapaliwanag o mawot aramon kan Court of Appeals kun tunay na nagkaigwa nin grave abuse of discretion sa pagkapot kan nasambitan ng kaso.
