Inihayag kan Department of Justice na saindang pupuonan na an pagkolektar kan mga dental records katakod sa mga nawawarang sabungero.
Sigun ki Justice Assistant Secretary Mico Clavano, pigpuonan na ining gibuhon kan ahensiya tanganing makatabang sa pagbisto o identify kan mga narerekober na lawas gikan sa Taal lake.
Tiwala soboot sindang makusog o igwang matibay na makukuang DNA sample sa ngipon o maging an dentures na gikan sa nasambitan ng lawa.
Mantang kasabay man kaini an planong paglunsar kan ‘dental bank records’ na iyong magagamit sa pag-aadal tanganing maaraman an pagkakakilanlan sa mga narerekober na buto.
Mientrastanto, pig-ako man kan Department of Justice na magpahasta sa ngunyan, dae pa man soboot ninda aram an numero kun pirang lawas kan tawo na an saindang narekober.
Sigun ki Justice Spokesperson Mico Clavano, mayo pang saktong numero dapit digde kaya saiyang sinabi na saro ini sa mga mawot nindang irani nin tabang sa University of the Philippines asin sa nasyong Japan.
Mantang saiya man na pigheras pa na an mga narekober gikan sa Taal lake an saindang ipinapahiling sa kaparientes kan mga nawawarang sabungero.
Alagad mayo pa soboot sindang kumpirmasyon na nareresebir kun ini an nabisto o pamilyar an mga nakuang bado asin iba pa.
Enkaso dae ini makumpirmar o magtugma sa mga nawawarang sabungero, sigun ki ASec. Mico Clavano, pwede ining magbukas sa panibagong mga kaso.
