Tiwala an Department of Justice (DOJ) na bubusision na marhay kan Austria an asylum request ni dating Presidential Spokesperson Harry Roque.
Sa sarong pahayag, pigsaysay ni Chief State Counsel Dennis Chan na may sadiring proseso an nasambitan ng European country sa pagsasagibo nin pagsusuri, research, asin validation sa claims kan kada asylum applicant.
Bilog soboot an tiwala kan DOJ na pag-aadalan kan nasambitan ng nasyon an saindang impormasyong pigsumiter ni Roque asin dae sana basta tutugutan an saindang petisyon o kahagadan.
Kampante man an opisyal, na irerespeto kan Austria an integridad kan asylum process kan Pilipinas, asin ikukunsiderar ini sa pagsusuri sa kaso ni Roque.
Enot na nagsunad nin applikasyon si Rooque sa Netherlands alagad paliwanag kan dating sekretaryo, sinabihan ini kan Dutch authorities na an Austrian government dapat an magtao sa saiya kan asylum huli ta ini an nagtatao sa saiya kan visa.
Marurumduman pighagad kan Philippine government sa International Criminal Police Organization (Interpol) na magluwas nin red notice kontra sa puganteng indibidwal kasunod kan pagluwaw kan warrant kontra sa saiya.
Enot na man nakanselar an saiyang pasaporte.
Sigun ki Roque, presente pa man ining nasa Netherlands.
