Aram baya nindo mga ka-bombo, sarong rheumatologist sa Texas an pigsentensiyahan nin nasa 10 taon na pagkakakulong para sa pig-aapod na cruel health care fraud scheme.
Imbwelto kaya digde an pag-diagnosed sa malusog na indibidwal na igwang chronic diseases na nangangaipuhan nin mahal asin peligrosong treatments.
Binisto an doktor na si Jorge Zamora-Quezada M.D. kan Mission, Texas.
Inako man kaini an nasambitan ng akusasyon asin pigsaysay na nakipagtabangan sa iba pang mga tawo tanganing maisakatupadan an panloloko na ini.
Sa laog kan pirang taon, an 68-anyos na rheumatologist an pigda-diagnosed an saiyang pasyente na igwa nin malalang helang tanganing mas maglangkaw pa an bayadan sa test asin sa treatments.
Pigpresentar kan prosekusyon an ebidensiya sa fraud scheme na ini kabali na an nasa $118 million sa false claims asin binayadan na $28 million kan insurers na nagin dalan tanganing magin marangya an buhay kan nasambitan ng doktor.
Sa ngunyan, nagtitinir an trauma na naeksperyensiyahan kan mga nagin pasyente ni Quezada na biktima kan panloloko na ini kaya man mawot ninda na mapadusahan an doktor sa saiyang salang aksyon.
