Isinagibo kan Department of Labor and Employment (DOLE) an konsultasyon kaiba an mga stakeholder gikan sa sektor kan manufacturing, construction, asin agriculture sa Visayas asin Mindanao komo parte kan kampanya kontra sa child labor.
Pinag ulayan sa nasambitan ng konsultasyon an mga suhestiyon kun pano mapapatibay an mga umiiral na patakaran tangani masierto an kasalbaduhan asin legal na proteksyon kan mga kaakian.
Obheto kaining rebisahon an Department Order No. 149 na manungod sa mga peligruso na klase kan trabaho para sa mga menor de edad.
Siring kan isinagibong konsultasyon sa Luzon, nakisumaro man digde an mga eksperto gikan sa Bureau of Workers with Special Concerns, Bureau of Working Conditions, Institute for Labor Studies, Occupational Safety and Health Center, asin International Labor Organization (ILO), tangani magtao nin mas hararom na kaaraman sa pagbabalangkas kan mga panundunan para sa kapakanan kan kaakian
