Mapakol na sa labi P34-M na kantidad nin tabang an ipinagkaloob kan Department of Labor and Employment sa mga residenteng naapektaran kan bagyo sa probinsiya kan Masbate.
Basado sa datos, maabot sa labi P29M an pigtagama kan ahensiya para sa TUPAD.
Nabenipisyuhan kaini an nasa labi 6,400 benepisyaryo gikan sa labi sa sarong banwaan sa probinsiya kan Masbate.
Apwera digde, nakatalaan man na magresebir an gobyerno kan Masbate nin P5 milyong livelihood assistance para sa pagpapautob kan mga programang pangkabuhayan na makakatabang sa liwat na pagbuhat kan mga residente.
Mientrastanto, nakikipagtabangan na man an TESDA Bicol sa DOLE para s apagtatao nin mga libreng trainings mantang nagpapadagos an recovery asin rehabilitasyon.
Padagos an direktiba ni Presidente Ferdinand R. Marcos Jr, na siertuhon an marekas na pagbuhat kan mga naapektaran asin maihatod tulos an tabang sa lambang pamilyang nangangaipuhan.
