PIGBABASOL kan Department of Labor and Employment (DOLE) an pagtama kan mga kalamidad kan nakalihis na Oktubre kaya nagresulta sa paglangkaw kan kaso kan mayong trabaho sa nasyon.
Sigun ki DOLE Secretary Bienvenido Laguesma, na paramientras sana an nasambitan ng paglangkaw kan numero kan mga mayong trabaho huli ta ini an sakop pa man kan saindang 4.8 hasta 5.1 percent target para sa 2025.
Dugang pa kan Sekretaryo na dae mapugolan an pag-agi kan mga makukusog na bagyo pupn ka Setyembre siring kan mga bagyong Mirasol, Nondo asin Opong.
Marurumdumang, iniluwas kan Philippine Statistics Authority an resulta kan Labor Force Survey kan nakalihis na Oktubre na nagresulta sa paglangkaw nin limang porsyento o nasa 2.54 million an numero kan mga mayong trabaho kumparar sa 3.8 percent kan nakalihis na Setyembre na igwa sanang 1.96-M Pinoy na mayong trabaho.
