Pigpagirumduman kan Department of Labor and Employment (DOLE) an mga negosyante na nagigibo asin nagpapabakal nin mga paputok asin mga pailaw na istriktong magsunod sa occupational safety and health (OSH) standards tanganing malikayan an anuman na aksidente.
Sigun ki Secretary Bienvenido Laguesma na nagluwas na ini nin Labor Advisory na nag-susugo sa mga regional offices na imonitor kun nagsusunod an mga establishimento sa OSH rules.
An nasambitan na inspections kairiba an Bureau of Fire Protection (BFP), Philippine National Police (PNP) asin an local government units.
Dapat na magsumiter an mga regional directors kan DOLE kan listahan kan saindang namonitor na nagpapabakal kan mga pyrotechnics sa Bureau of Working Conditions (BWC)
Marurumduman kan Oktubre igwang duwang katawo an binawian nin buhay kan nagsabog an sarong pagibuhan kan paputok sa Norzagaray, Bulacan.
