Aram baya nindo mga ka-bombo, sarong YouTuber na matibay sa paggibo nin nakakabilib na domino an naipuli an Guinness World Record kan i-assemble kan saiyang team an pigmirar komo world’s tallest domino structure, na igwang langkaw na 33 feet and 2.74 inches tall.
Binisto an youtuber na si Lily Hevesh o mas popular sa pangaran na Hevesh5 sa YouTube.
Sigun ki Hevesh, an saiyang team an eksperto pag-abot sa pagbilog o pag-assemble nin domino.
An nasambitan ng domino tower an pigkriar sa National Building Museum sa Washington, D.C.
An team ni Hevesh an kinababalihan ninda Stephan Burton, Alex Huang, Brady Dolan, Michael Fantauzzo, Paul Nelson, Wim van Otterdijk, William Ford, Pim Vriens, Ivan Kramskoy asin Marco Vorbusch.
Sinda inabot nin limang aldaw sa pag-assemble kan domino tower na igwang sukol na 33 feet asin 2.74 inches tall.
Sa paagi kaini, saindang napasa an dating world record na 32 feet, 10.8 inches.
Sa ngunyan, pigselebrar kan team an saindang trayumpo sa paagi kan pag-apon nin kawatan na squirrel sa tuktok kan tower asin hinili ining magrasay.
