Pormal ng nanumpa komo ika-47 presidente kan Estados Unidos si Donald Trump.
Pinangenotan ni Chief Justice John Roberts an panunumpa ni Trump sa laog kan Capitol Rotunda.
Makalihis an panunumpa an nagpaputok nin canyon an US military komo tradisyon sa pagpupugay ninda.
Mientrastanto, antes an panunumpa ni Trump, enot man na nanumpa komo saiyang bise presidente si JD Vance na pinangenotan ni Supreme Court Justice Brett Kavanaugh.
Isinagibo an panunumpa sa laog kan Capitol Rotunda huli ta malipot an panahon sa luwas kun saen, ini liwat an enot na pagkakataon makalihis an 40 taon o kan panahon pa ni dating US President Ronald Reagan noong 1981.
Nag-atendir sa nasambitan ng panunumpa an mga napiling mabilog kan saiyayang gabinete siring man an mga dating presidente asin bise presidente kan Estados Unidos. Apwera pa digdi, nag-atendir man sinda sinda Elon Musk, Jeff Bezos, Mark Zuckerberg, Sundar Pichai, Tim Cook, Former US President Clinton, George W. Bush, Barack Obama asin kadakol pang iba.
An US Marine Band o mas bistado komo “The Presidents Own” asin US Naval Academy Club magin si Carrie underwood an nagperform sa nasambitan ng inugarasyon. Siringman, si Christopher Macchio an nagkantan kan national anthem.
Sa nagin mensahe man kan US president, sinaysay kaini na an Enero 20 an sarong Liberation Day para sa Americans.
