Aram baya nindo mga ka-bombo, nahiling an dose-dosenang raccoon na pinalilibutan an harong kan sarong babae tanganing maghagad nin pagkakan sa Washington sa Amerika.
Basado sa report, pigsaysay na napa-apod an babaeng residente sa mga otoridad huli sa pagdagsa kan mga raccoon sa lugar.
Sigun sa residente, nagkapira sana an mga pigpapakakan na raccoon sa nakalihis na tolong dekada, alagad nagdakol soboot an mga ini sa mga nakalihis na semana asin pinalibutan na an saiyang harong.
Mientrastanto, dae soboot makahali sa lugar an babae huli sa agresibong hiro kan kan mga raccoon.
