Inanunsyar ni Department of Science and Technology (DOST) Sec. Renato Solidum na available na sa nasyon an Tuslob Rapid DNA Extraction Kit asin VIPtec ASFV Real-time PCR Detection.
An inobasyon an proactive measure sa on-site diagnostics na magagamit sa mga slaughterhouse, barangay centers, asin man animal checkpoints na dinevelop sa irarom man kan DOST-funded Virology and Vaccine Research Program.
Sa deliberasyon kan House Committee on Appropriations sa budget kan DOST, naghagad nin update si AGAP Party-list Representative Nicanor Briones sa nasambitan ng proyekto, orog na ta pigkakarkulong nagpakol na sa labi sa ₱200 bilyon an danyos kan ASF sa sektor kan pag uurig.
Dugang ni Solidum, sarong balik-scientist na presenteng naka-base sa Estados Unidos an nangengenot sa pag-develop kan bakuna kontra African Swine Fever (ASF).
Sigun sa sekretaryo, natukoy na an genome sequence kan ASF virus asin presenteng tinatapos na sana kan saindang partner an pasilidad na gagamiton tangani makapag puon na sa produksyon kan mga bakuna.
Ipinahayag ni Kalihim Renato Solidum kan Department of Science and Technology (DOST) na pwede nang gamiton sa Pilipinas an Tuslob Rapid DNA Extraction Kit asin man an VIPtec ASFV Real-time PCR Detection kit.
An mga makabagong teknolohiyang ini an sarong importanteng lakdang para sa mas marikas asin man epektibong pagtukoy nin mga helang sa mga hayop.
