Nahiling kan Department of Transportation (DOTr) na bakong praktikal sa ngunyan an pagpapautob kan Public Transport Modernization Program (PTMP).
Sigun ki DOTr Secretary Vince Dizon, na kadakol pa mang mga operators an dae nakakapagbayad kan inutang ninda sa bangko tanganing magbakal kan makabagong jeep.
Inako kaini na kadakol na mga kinakahampang na problema an nasambitan ng programa na saindang pinag-aadalang marhay. Dugang pa kan sekretaryo na pigpundo pa kan bangko an pagpapautang para sa modernization.
Sa lambang unit kaya, nagkakantidad ini nin puon P2.5 milyon hasta P2.8-M kada unit asin huli ta igwang subsidy an gobyerno nin 15 percent, maabot pa man sa P2.5-M an babayadan kan may kansadiri asin kooperatiba.
Paglilinaw man kaini na dagos pa man an programa asin saindang pinag-aadalan an mga solusyon sa nasambitan ng problema.
