Presenteng pinagpeprepararan kan Department of Transportation (DOTr) an mga guidelines para sa distribusyon kan fuel subsidy na itatao sa mga pwedeng lubhang maapektaran kan paglangkaw kan presyo kan krudo asin petrolyo bunsod kan naglalalang tensiyon sa tahaw kan Iran asin kan Israel.
Sigun ki Transportation Secretary Vince Dizon, igwang nakalaan na P2.5 bilyong piso para sa fuel subsidies na iheheras kan departamento.
Pigpepreparar na soboot an mga guidelines tanganing tulos na makakua an mga tsuper asin mga sektor na lubhang maapektaran kan paglangkaw kan presyo.
Pigsierto man ni Dizon na an nasambitan ng subsidiya, an siertong mareresebir kan mga benepisyaryo kaini huli ta dakula man soboot an kapot nindang pondo sa ngunyan para digde.
Mientrastanto, nangapodan man an sekretaryo sa mga transport groups asin nagkapirang mga operators na dae na maggibo nin mga hiro-protesta huli ta igwang tabang na papaabuton kun saen an nagin direktiba man ni Presidente Ferdinand Marcos Jr, tulos na iheheras sa mga nangangaipuhan an nasambitan ng subsidiya.
Naenot na man digde, pigsierto man kan Department of Energy (DOE) na padagos na sindang nag-aapelar sa mga oil companies na tawan nin maski kadikit na discounts an mga tsuper tanganing malikayan man an pwedeng langkaw-pamasaher sa mga komyuters.
