Padadarahan kan Department of Public Ways and Highways (DPWH) nin surat an Anti-Money Laundering Council (AMLC) tanganing hilingon an pag-freeze sa labi limang bilyong pisong kantidad nin lunadan kan mga personalidad na naiimbwelto sa anomaliya sa flood control projects.
Pinakadakula digde an lampas ₱4.7 bilyong air assets ni Congressman Zaldy Co na kinababalihan kan sarong private jet asin nagkapirang helicopters.
Haros kabangang bilyong piso naman kan mga lunadan an pigpapa-freeze sa Anti-Money Laundering Council na pagsasadiri kan 26 na dating opisyal kan DPWH asin mga kontraktor.
Mientrastanto pinakadakula digde ki Sarah Discaya na kantidad ₱218 million asin sa agom kaining si Pacifico Discaya na igwang ₱59 million na lunadan asin si Brice Hernandez na aabuton sa kantidad na ₱35 million.
Natukoy an mga nasambitan na pagsasadiri sigun sa report kan Land Transportation Office (LTO) asin Civil Aviation Authority of the Philippines (CAAP) na pigtao ki Secretary Dizon.
