Opisyal nang nanumpa ki Presidente Ferdinand Marcos Jr. si Secretary Vince dizon komo sekretaryo kan Department of Public Works and Highways (DPWH).
Ini an makalihis na akuon kan Presidente an pagbubutas sa pwesto ni dating DPWH Secretary Manuel Bonoan sa ahensya sa tahaw kan imbestigasyon kan maanomalyang flood control projects.
Piglalaoman na mahampang sa sarong press briefing si Dizon ngunyan na aga tanganing ilatag an saiyang reform agenda.
Mientrastanto, nanumpa naman ki Marcos si dating Undersecretary Giovanni Z. Lopez bilang Acting Secretary kan Department of Transportation (DOTr).
Komo paramientras na pamayo kan DOTr, tututukan ni Lopez an pagpapakusog kan mga reporma sa transport modernization na pigpuonan ni Dizon, orog na an mga proyektong obhetong maghatod nin salbado, episyente, asin modernong transportasyon sa mga publiko.
