Durante kan pagpapadagos kan ika-10 emergency special session kan United Nation General Assembly, pinag-olayan an draft resolution kan state of Palestine na naghahagad sa Israel na tapuson an pagsakop kaini sa teritoryo kan Palestina sa laog nin 12 bulan.
Ini huli na sa tahaw kan isyu kan mga aksyon kan Israel sa sinakop na occupied East Jerusalem asin iba pang parte kan sinakop na teritoryo kan Palestina.
Ipinabisto ni Riyad Mansour, an permanent observer kan State of Palestine to the United Nations an pag-introdusir kan draft resolution. Digdi, hagad na an General Assembly na i-uphold an mandato mantang an ICC nag-ootob kan saiyang mandato sa paagi nin legal consequence na mga resulta kan mga aksyon kan Israel.
Nangapudan man ini para sa pagmukna nin sarong independiente asin soberanong estado nin Palestina sa mga linderos kan 1967 na an East Jerusalem iyo an kabisera kaini.
Piglalaoman na an General Assembly maboto ngunyan na Miyerkules sa siring na draft resolution na pig-isponsoran man kan labing 2 dosena na nasyon.
