Dead on-the spot an sarong driver mantang lugadan man an pasahero kaini makalihis budalan kan sarong pampasaherong bus sa banwaan nin Tiaong, Quezon.
Binisto an nagadan si Jimmy Aringo, 33-anyos mantang lugadan man an pasahero kaini na si Francis Jaquis Mariano, 36-anyos.
Sa nagunong impormasyon kan Bombo Radyo Naga, napag-araman na pasado alas-3:45 nin maguumagahun kan mangyari an bunguan kan Mitsubishi L300 van na pigmamaneho ni Aringo asin an pampasaherong Amihan bus na pigmamaneho ni Ian Villa Dela Cruz, 33-anyos.
Sigon sa inisyal na imbestigasyon kan PNP Tiaong, nag-overtake suboot an pampasaherong bus sa saro pang bus rason para dae kaini mahiling an L300 van na pigmamaneho ni Aringo na nagresulta sa head-on collision kan duwang behikolo.
Huli sa sinapong lugad sa saiyang lawas ni Aringo tulos ining binawian nin buhay mantang idinalagan man sa ospital an pasahero kaining si Mariano.
Sa ngunyan, nagtitinir na sa kustodiya kan mga otoridad an driver kan bus makalihis na boluntaryong suminuko sa hepatura kan PNP Tiaong.
Top
