NAGA CITY- Boluntaryong nagsuko na an driver na naka-hit and run asin nakagadan sa duwang menor de edad sa Sta. Cruz, San Jose, Camarines Sur kan nakalihis na Disyembre 25, 2025.
Sa entrevista kan Bombo Radyo Naga ki Police Captain Liza Jane Alteza, an PIO kan CSPPO, sinaysay kaini na an suspek an nagdulok mismo sa opisina ni PNP Provincial Director PCOL Virgilio O. Olalia, Jr.
Marurumduman na nangyari an insidente kan nakalihis Disyembre 23, 2025 nin bangi mantang lunad an mga biktima sa sa sarong itom na HATASU E-Trike papuli sa saindang harong kan biglang mabangga kan sarong gray na Mitsubishi Strada pick up asin tolos na magdulag an drayber.
Pigdeklarar na dead on arrival kan doktor an omboy na nag-eedad 1 year old asin an sarong 15 anyos mantang nasa ospital man an duwa pa.
Nagpromesa man si Olalia, na makukua kan mga biktima an hustisya asin makakasuhan an nasambitan ng driver.
