NAGA CITY- Arestado an sarong high value target sa pigkondusir na operasyon kan mga otoridad sa Candelaria, Quezon.
Pigbisto an suspek na si Antonio Mindanao, 37-anyos.
Sa nagunong impormasyon kan Bombo Radyo Naga, napag-araman na nadakp an suspek sa lindong kan mandamiento de rekisa na pigserbe sa saiyang mismong residencia sa barangay Barangay Malabanban Sur sa parehong banwaan.
Narekober kan mga otoridad an tolong sachet nin shabu na nagkakantidad nin P16,200, sarong calibre 45 badil, mga bala asin drug paraphernalia.
Sigon ki PS/Supt Rhoderick Armamento, provincial director kan Quezon Police Provincial Office (QPPO), nasa listahan kan top 10 priority targets kan Sariaya PNP an nasambitang suspetsado asin nag-babariwas suboot ini nin droga sa mga banwaan nin Sariaya asin kan Candelaria.
Nagtitinir na sa kostudiya kan mga otoridad an suspek na nahahampang sa suruon-suon na kaso.
